PRAECIPUA OMNIBUS SCITU NECESSARIA
VEL VALDE UTILIA¹
I. – Signum Sanctae Crucis.
+ In nomine Patris, et Filii, et Spiritus Sancti. Amen.
II. – Oratio dominica.
Pater noster, qui es in caelis,
sanctificetur nomen tuum,
adveniat regnum tuum,
fiat voluntas tua sicut in caelo et in terra.
Panem nostrum quotidianum da nobis hodie;
et dimitte nobis debita nostra, sicut et nos dimittimus debitoribus nostris,
et ne nos inducas in tentationem,
sed libera nos a malo. Amen.
III. – Salutio angelica.
Ave, Maria, gratia plena, Dominus tecum; benedicta tu in mulieribus, et benedictus fructus ventris tui, Iesus.
Sancta Maria, mater Dei, ora pro nobis peccatoribus, nunc et in hora mortis nostrae. Amen.
IV. – Symbolum Apostolorum.
1° Credo in Deum Patrem omnipotentem, creatorem caeli et terrae;
2° et in Iesum Christum, Filium eius unicum, Dominum nostrum;
3° qui conceptus est de Spiritu Sancto, natus ex Maria Virgine;
4° passus sub Pontio Pilato, crucifixus, mortuus et sepultus;
5° descendit ad inferos; tertia die resurrexit a mortuis;
6° ascendit ad caelos, sedet ad dexteram Dei Patris omnipotentis;
7° inde venturus est iudicare vivos et mortuos.
8° Credo in Spiritum Sanctum;
9° sanctam Ecclesiam catholicam, Sanctorum communionem;
10° remissionem peccatorum;
11° carnis resurrectionem;
12° vitam aeternam. Amen.
V. – Salve Regina.
Salve, Regina, mater misericordiae; vita, dulcedo et spes nostra, salve. Ad te clamamus, exules filii Hevae. Ad te suspiramus gementes et flentes in hac lacrimarum valle. Eia ergo, advocata nostra, illos tuos misericordes oculos ad nos converte. Et Iesum, benedictum fructum ventris tui, nobis post hoc exsilium ostende. O clemens, o pia, o dulcis Virgo Maria.
VI. – Doxologia in honorem Ssmae Trinitatis.
Gloria Patri et Filio et Spiritui Sancto, sicut erat in principio et nunc et semper et in saecula saeculorum. Amen.
VII. – Oratio ad Angelum custodem.
Angele Dei, qui custos es mei, me, tibi commissum pietate superna, illumina, custodi, rege et guberna. Amen.
VIII. – Oratio pro fidelibus defunctis.
Requiem aeternam dona eis, Domine, et lux perpetua luceat eis. Requiescant in pace. Amen.
IX. – Praecipua Fidei mysteria.
1° Mysterium unius Dei in tribus distinctis Personis, Patre, Filio et Spirituo Sancto;
2° mysterium humanae Redemptionis per incarnationem, passionem et mortem Domini Nostri Iesu Christi, Filii Dei.
X. – Decalogus seu Dei mandata.
Ego sum Dominus Deus tuus:
1° non habebis deos alios coram me;
2° non assumes nomen Domini Dei tui in vanum;
3° memento ut dies festos sanctifices; ²
4° honora patrem tuum et matrem tuam;
5° non occides;
6° non moechaberis;
7° non furtum facies;
8° non loqueris contra proximum tuum falsum testimonium;
9° non desiderabis uxorem eius;
10° non concupisces eius bona.
XI. – Praecepta Ecclessiae.
1° Diebus dominicis aliisque festis de praecepto Missam audire et ab operibus servilibus vacare;
2° diebus ab Ecclesia statutis ab esu carnium abstinere et ieiunium servare;
3° peccata saltem semel in anno confiteri;
4° Eucharistiae sacramentum saltem in Paschate recipere;
5° Ecclesiae clerique necessitatibus subvenire.
XII. – Sacramenta.
1° Baptismus;
2° Confirmatio;
3° Eucharistia;
4° Poenitentia;
5° Extrema Unctio;
6° Ordo;
7° Matrimonium. ³
XIII. – Actus Fidei.
Deus meus, firmiter credo Te esse unum Deum in tribus distinctis Personis, Patre, Filio et Spiritu Sancto; et Filium propter nostram salutem incarnatum, passum et mortuum esse, resurrexisse a mortuis, et unicuique pro meritis retribuere aut praemium in Paradiso aut poenam in Inferno. Haec ceteraque omnia quae credit et docet catholica Ecclesia, credo quia Tu ea revelasti, qui nec ipse falli nec nos fallere potes.
XIV. – Actus Spei.
Deus meus, cum sis omnipotens, infinite misericors ed fidelis, spero Te mihi daturum, ob merita Iesu Christi, vitam aeternam et gratias necessarias ad eam consequendam, quam Tu promisisti iis qui bona opera facient, quemadmodum, Te adiuvante, facere constituo.
XV. – Actus Caritatis.
Deus meus, ex toto corde amo Te super omnia, quia es infinite bonus et infinite amabilis; et ob amorem Tui proximum meum diligo sicut meipsum, eique, si quid in me offendit, ignosco.
XVI. – Actus Contritionis.
Deus meus, ex toto corde poenitet me omnium meorum peccatorum, eaque detestor, quia peccando, non solum poenas a Te iuste statutas promeritus sum, sed praesertim quia offendi Te, summum bonum, ac dignum qui super omnia diligaris. Ideo firmiter propono, adiuvante gratia Tua, de cetero me non peccaturum peccandique occasiones proximas fugiturum.
XVII. – Mysteria Sacratissimi Rosarii.
Mysteria gaudiorum.
1° B. Maria Virgo ab Angelo salutatur.
2° B. Maria Virgo Elisabeth visitat.
3° Iesus Christus in Bethlehem nascitur.
4° Iesus infans in templo praesentatur.
5° Iesus puer in templo inter doctores invenitur.
Mysteria dolorum.
1° Iesus Christus, in horto orans, sanguinem sudat.
2° Iesus Christus ad columnam flagellis caeditur.
3° Iesus Christus spinis coronatur.
4° Iesus Christus, morte condemnatus, Calvariae locum, crucem baiulans,
petit.
5° Iesus Christus, cruci affixus, coram Matre sua moritur.
Mysteria gloriae.
1° Resurrectio Iesu Christi.
2° Ascensio Iesu Christi.
3° Spiritus Sancti supra beatam Mariam Virginem et discipulos descensus.
4° Assumptio beatae Mariae Virginis in caelum.
5° Beatae Mariae Virginis coronatio itemque Angelorum et Sanctorum
gloria.
Salve Regina.
Salve, Regina, mater misericordiae….
Litaniae Lauretanae.
Kyrie, eleison.
Christe, eleison…
___________
PRZYPISY:
1. Catechista curet ut alumni haec omnia memoriae mandent. Quod vero attinet ad illos gui sanetam Communionem primum recepturi sunt, ef. Catech. pro eisdem, pag. 27, not 1.
2. In versionibus verba: dies festos restitui possunt in pristina: diem sabbati, si ita ferat loci consuetudo; sed catechista id explicet congruenter iis quae exponuntur in tertio Catechismo pro adultis, q. 203 et seqq.
3. Apud Orientales Confirmatio dicitur Chrisma, Extrema Unctio Benedictio infirmorum et apud Latinos etiam Oleum sanctum.
(Catechismus catholicus. Cura et studio Petri cardinalis Gasparri concinnatus. Decima editio. Typis Polyglottis Vaticanis – MDCCCCXXXIII (1933), pag. 486)